Wahn use olde Heimat

Wahner Gebräuche

Wahner Wiegenlieder

Suse, suse, suse, use Kindken, dät is use,
was dät use Kindken nich,
schlöpet in use Suse nich.

~~~~~~~~~~~~~~~~~~~~~~~~~~~~~~~~~~~~~

Suse, läw Lämmken, wat ruspelt in’t Stroh?
Stina is kränk, un use Kindken is so.
Suse, läiv Kindken, schloap baolde,
die Vöigel fläiget na’n Wolde.
Dai Vöigel fläiget wall hän un bär
un haolt use Kindken denn Schlaop dor här.

~~~~~~~~~~~~~~~~~~~~~~~~~~~~~~~~~~~~~

Häi dam, Dösken,
buten löp ’n Schöpken,
häiv väer so witte Föite,
däi Mälk, däi schmeckt so söite.
Noch söiter äs Zucher un Fiegen,
Un noch will use Kindken nich schwiegen.

~~~~~~~~~~~~~~~~~~~~~~~~~~~~~~~~~~~~~

Häi dam, Päitermann,
dor kumt Jan mit däi Klumpen än,
will dät Kättken Ohr offschnien,
Kättken segg van: Miau!
Lat mi doch so lange läwen,
schöst denn besten Vogel häb’n,
Vaogel schöll di Stroh brängen,
Stroh will wie use Kindken gäwen,
Kiemann schöll di Mäilk gäwen,
Mäilk will ick nah ’n Bäiker brängen,
Bäiker schöll mi ’n Stuten bäcken,
Stuten will ick verkopen,
Täbak will ick verschmoken.

~~~~~~~~~~~~~~~~~~~~~~~~~~~~~~~~~~~~~

Höttke, pöttke, siege, sage,
morgen will wie nah Münster fahren.
Watt will wie dor här holen?
Stuten un Wäggen um Wittebrot,
un dor wat use Kindken grot.
Hottke, pöttke, rick, rack,
Use Kindken is än Dicksäck.